23,6 mill i finansavkastning. Til høsten starter bygging av 90 nye sykehjemsplasser.
Os kommune oppnådde ein positiv avkastning på finansporteføljen sin på heile 23,6 mill, tilsvarande 11,64%, i 2014 (sjå vedlegg). Dette er 1,97% betre enn referanseindeksen.
Dette er andre året på rad med særs god avkastning på porteføljen. I 2013 oppnådde Os kommune ein positiv avkastning på 22,3 mill, tilsvarande 12,4%.
Porteføljen, som har sitt utspring frå sal av aksjar i Oskraft AS og BKK AS rundt årtusenskiftet, er dermed på i alt 226,3 mill kr pr 31.12.14.
- Nok ein gong oppnår vi særs god avkastning på finansporteføljen vår. Alt ligg dermed til rette for at Os kommune samla sett får eit solid overskot også i 2014, seier ordførar Terje Søviknes (FrP).
Endeleg driftsrekneskap for 2014 vil liggja føre medio februar, og Os kommunestyre vil få komma attende til disponering av samla overskot for fjoråret.
- Uansett er finansavkastinga for 2014 godt nytt for Os kommune, som over fleire år har hatt høg folkevekst, og dermed behov for store investeringar i ny infrastruktur. Etter at kommunen har satsa tungt på skuleutbygging dei siste åra, står utbygging innan eldreomsorga for tur i perioden 2015-17. Allereie til hausten planlegg vi byggjestart for 90 nye sjukeheimsplassar på Luranetunet, oppsummerer Søviknes.
