Bli tilhenger av NyttiOs på Facebook
I laurdagens intimkonsert får du det beste frå Lill- Babs si karriere. Som ein av Sverige sine aller største artistar, har ho mykje å by på.
«Vi får høyre korleis ho lærte The Beatles å danse, korleis det var å jobbe med Sammy Davis Jr. og mange andre historier. Dette blir eit show fylt med mange musikalske tilbakeblikk og minner frå både fram- og baksida av scena», melder Oseana.
Barbro Margreta Svensson er fødd i 1938, og har sidan debuten i 1954 vore ein av Sveriges mest kjende artistar, både i heimlandet og i utlandet. Ho har stått på både teater-, revy- og showscener, spelt inn utallige plater og delteke i Melodi Grand Prix. Ho har også vore flittig i TV-ruta, både som gjest og programleiar. I 2004 feira ho 50-årsjubileum som artist med showet 50 år i lyxforpakning i Gøteborg. No er den spreke 76-åringen ute på turné igjen!
«Lill-Babs publikkontakt är makalös. Konsertsalen förvandlas som till ett litet vardagsrum. Folk jublar, applåderar, skrattar, rörs till tårar», skriv Aftonbladet.
